Dėk Cupu, Riusan “Susu Putih” Ngerilis Single Anyar Majudul “Puas”

Redaksi Singaraja FM 20/01/2017 0

Dek Cupu

BALI ORTI,singarajafm.com,- Dėsa Nagesepaha kabupatėn Bulėlėng nėnten wantah kasub antuk pengrajin wayang kaca lan wayang kulit, pengrajin saab, makudang kesenian taler ngembasang sinunggil penyanyi pop Bali.

Melajah lan terus melajah, punika tekad sanė nerus kelaksanayang lan keagemel oleh penyanyi anyar pop Bali inggih punika maaran Dėk Cupu. Diastun yusanyanė sanė nėnten wimuda malih, kėmahon nėnten ngereredang semangatnyanė meled nyarengin makipu ring blantika musik pop Bali. Riusan warsa 2016 wau lintang merilis single pertama sanė majudul “Susu Putih” duėt sareng Luh Juli, tur ngamolihang penampėn becik saking pangoneng gending pop Bali, kadi mangkin Dėk Cupu muali merilis single teranyarnyanė ring pengawit warsa anyar 2017 puniki sanė mateges “Puas”.

Single “Puas” kantun ngandelang Andika pinaka pengripta lagu lan Dėk Artha sanė mengaransemen taler vokal dirėctornyanė antuk ngamolihang hasil karya sanė maksimal. Dėk Cupu rikala ketakėnin ngandikayang mekarya nėnten tergantung ring yusa kemaon pikayunan utawi kemauan lan taler niat. Dasar punika sanė kapungkurnyanė prasida ngametuang ide-ide brilian ngerauhin lan menados siki karya. “Astungkara tiang sanget seneng pisan ring pengawit warsa puniki prasida ngerilis single kaping kalih puniki. Antuk single puniki tiang prasida muktiang yėning yusa nėnten ngewatesin i raga antuk mekarya. Single puniki kantun tiang percayain majeng Andika pinaka pengripta lan Dėk Artha pinaka aransemen apisanan vokal dirėctor,” baos Dėk Cupu sanė taler ngelutin seniman bondrės puniki.

Single kaping kalih Dėk Cupu puniki mangkin sampun ngawit maėdar ring radio – radio lan sampun prasida kerequėst. Ngelintang single kaping kalih sanė mateges “Puas”, pengaptinyanė pateh sekadi musisi Bali tiosannya inggih punika prasida katerima lan menghibur. “Gending puniki sampun prasida karėquėst di radio-radio. Tiang ngarepang single puniki prasida ketampi sekadi single perdana tiang sanė majudul “Susu Putih”. Punika siki pengaptian sanė minabang samian penyanyi karyanyanė prasida katerima antuk becik,” baos guru bahasa inggris puniki nguntatin.(ama)

Leave A Response »