Isin Gumi : Lovina Féstival Genjot Kunjungan Wisatawan

Redaksi Singaraja FM 11/09/2016 0

hidden-beauty-lovina-fest-2016-bakal-geber-bali-ut_07-09-16-13-05Makudang upaya kelaksanayang Pemkab Buléléng mepaiketan pelestarian adat lan budaya taler pariwisata antuk nincapang kunjungan wisatawan utamanyané ke destinasi wisata unggulan ring Bali utara. Silih sinunggil wisata unggulan Buléléng inngih punika wisata bahari Pantai Lovina sané pinaka targét wisatawan inggian domestik, lokal lan mancanegara. Pemerintah ngelintang Disbudpar Buléléng ngelaksanayang Lovina Festival ngawit tanggal 10 – 14 September 2016, tujuannyané mangda prasida menggenjot kunjungan wisatawan, asapunika kebaosang Kepala Dinas Kebudayaan lan Pariwisata Buléléng, Ir. Nyoman Sutrisno, MM wau puniki.Paindikan punika kabligbagang ring sajroning acara Isin Gumi Radio Singaraja FM 92,0 Mhz rahina Werespati, 08 September 2016.

Gung Surya, Lovina
Indik punika wantah rerincikan becik pisan tur patut ngamolihang penampén samian kahanan. Riantukan melarapan pagelaran Lovina Festival ring tengahing obyék wisata pacang ngawinang wisatawan inucap jangkep ngamolihang suguhan inggian seni budaya, lan indik pelestarian adat Bali. Tunas titiang taler majeng Pemkab Buléléng ring parikrama puniki mangda taler kauningayang indik sejarah kawéntenan Lovina.

Made Artana, Pedawa
Lovina Festival sida mromosiang kawéntenan pariwisata Lovina sané kasub antuk wisata baharinyané. Napi malih medaging kolaborasi seni budaya khas Buléléng. Lianan ring pinaka ngelestariang seni taler pacang sida nincapang pengerauh tamu manca negara lan domestik. Kémahon tunas titiang indik galah ngelaksanayang festival sampunang mépét, riantukan wau pisan Buléléng ngelar Bulfés, yén sida mangda doh jaraknyané.

Gst. Komang Adnyana, Penarungan
Antuk gelaran punika akéh prasida menggali poténsi sané kaduénang soang-soang pengabih ring Lovina. Asapunika taler sekeha-sekeha kesenian sida kailénang utawi kapentasang. Punika sayan ngasubang aran Lovina kantos ke dura Negara. Riusan kagelar festival puniki manahin titiang patut naler ke évaluasi amon napi yusnyané majeng kemajuan kepawisataan ring Buléléng .(ama)

Leave A Response »