Isin Gumi : Pedagang Pasar Kampung Tinggi Mengeluh

Redaksi Singaraja FM 28/04/2017 0

Anggota DPRD Buleleng saat melakukan sidak di Pasar Kampung Tinggi

Makudang pedagang ring Pasar Kampung Tinggi, Buléléng ngangken nénten puas antuk genah madolan. Alasannyané riantukan ukurannyané lewih cupit saking sedurung kabecikang utawi dirévitalisasi. Nabdabin indik punika pengelola taler katunasin muali ngelaksanayang penataan. Kawéntenan sekadi punika taler mengundang uratian Ketua komisi III DPRD Buléléng Ni Made Putri Nareni, lan ngelanturang antuk sidak wau-wau puniki. Paindikan punika kabligbagang ring sajroning acara Isin Gumi Radio Singaraja FM 92,0 Mhz rahina Buda, 26 April 2017

Komang Suparta, Kerobokan
Patut pantaraning pedagang lan pengelola pasar mesadu ajeng meligbagang ngerereh pemargi paindikan inucap. Mangda sami-sami becik, para pedagang taler mangda prasida madolan antuk nyaman tan mekosek-kosekan. Lianan punika mangda pedagang tan malih madolan ring trotoar.

Nang Béod, Pemaron
Sedurung ngawit para pedagang madolan ring pasar sané baru, pengelola mangda ngewéntenang rembug sareng para pedagang. Iriki mangda kasobyahang indik aturan-aturan sané patut kauningin lan kelaksanayang pedagang punika.
Putra, Pengastulan
Yukti becik pisan pengelola mangda ngewéntenang penataan muali indik genah madolan para pedagang. Yéning genahnyané cupit pisan kajejehin ngametuang kekroditan napi malih nampekin dina hari raya ageng. Nuju rainan ageng sinah pacang ramia pisan sané matumbasan lan madolan makudang serana upakara.

Awan, Sambangan
Mangda tan ngametuang paindikan sané berat saking pedagang kapungkurnyané. Pamerintah daérah lan DPRD tedun nyelehin lan muputang paindikan sané kepanggihin para pedagang inucap. Jejehin titiang pedagang tan kayun madolan ring wangunan anyar inucap lan muali meluber ring sisin margi sinah ngawinang macet. ( ama )

Leave A Response »