Isin Gumi : Pemerintah Pusat Katunas Sumeken Nguratiang Danu Buyan

Redaksi Singaraja FM 21/04/2017 0

Danu Buyan lan wewidangannyané sampun ngeranjing pinaka Kawasan Strategis Pariwisata Nasional ( KSPN). Kémahon status inucap durung ngicénin imbas majeng masyarakat secarasignifikan.  Riantukan punika, pemerintah pusat katunas mangda ngicénin uratian lewih sumeken majeng Danu Buyan.Uratian sané perlu kaicénin silih sinunggilnyané merupa penataan kawasan danu lan lingkungan sewengkonnyané secara ngelantur. Asapunika kategesang anggota DPRD Buléléng I Wayan Indrawan wau puniki.Paindikan punika kabligbagang ring acara Isin Gumi Radio Singaraja FM 92.0 Mhz rahina  Werespati, 20 April 2017
 
Luh Diana, Gitgit
Yukti pisan kawasan punika ngamerluang penataan mangda sayan asri. Yéning punika sampun ketata lan kawewehin serana pariwisata kapungkur janten para wisatawan akéh ngerauhin nénten sewates musiman.
Napi malih genah punika sampun masuk Kawasan Strategis Pariwisata Nasional.
 
Tanaya, Kp.Tinggi Singaraja
Riantukan sampun keranjingang pinaka Kawasan Strategis Pariwisata Nasional  wantah patut pisan Danu Buyan ngamolihang uratian sané lewih. Kadi mangkin kantun kirang pisan serana-serana pariwisata irika. Sujatiné genah punika becik pisan kalimbakang, genahnyané kantun alami pisan.
 
Gus Arya, Lovina
Yéning danu punika sampun kekantenang indah, pacang maius ring kunjungan wisatawan. Tiosan punika taler pacang maimbas ring séktor pertanian sané medué poténsi ageng pisan. Lan iriki cocok kakembangang pariwisata agro.
 
Komang Alit, Sambangan
Tunas titiang majeng dinas-dinas terkait ring kabupatén, mangda nguningayang poténsi-poténsi sané kaduénang danu inucap. Indik puniki perlu mangda pamerintah pusat gelis turun nyelehin ring lokasi inucap. Sinah kauningin napi-napi sané perlu kesayagang antuk menyokong penataan Danu Buyan inucap. ( ama )

Leave A Response »