Isin Gumi : Pewangunan Bandara Nyantosang Ketetapan Lokasi Saking Kemenhub

Redaksi Singaraja FM 17/04/2017 0

Ilustrasi bandara

Wacana pewangunan bandara ring Kabupatémn Buléléng kantun berhembus. Kocap kalih perusahaan ageng kegadang-gadang sampun sumeken antuk mencoba ngeréalisasiangnyané. Mangkin informasi pinih anyar, mégaproyék punika wantah nyantosang penetapan lokasi saking Kementerian Perhubungan (Kemenhub). Sékretaris Daérah Buléléng Dewa Ketut Puspaka wau puniki negesang kantos mangkin wénten kalih perusahaan sané kongkrit sampun sumeken ngeréalisasiang pewangunan bandara inucap inggih punika PT BIBU lan PT Pembangunan Bali Mandairi. Paindikan punika kabligbagang ring acara Isin Gumi Radio Singaraja FM 92.0 Mhz rahina Anggara, 11 April 2017 2015

Tanaya, Kp.Tinggi Singaraja
Ring dije kemanten genahnyané bandara punika patut ngamolihang dukungan yéning pewangunanyané yakti-yakti madué kawigunan majeng krama Buléléng khususné lan Bali umumnyané taler prasida nganggén lan kautamaang tenaga kerja saking krama Buléléng yéning sampun kewangun.

Komang Yasa, Lovina
Aptiang titiang pewangun bandara puniki jati-jati kalaksanayang antuk manah becik taler kemajuan Buléléng kapungkur, tan wantah nguntungang segelintir oknum pejabat. Lan sida nincapang perékonomian krama Buléléng.

Nengah Sudix. Seririt
Dados masyarakat Buléléng wantah cumpu antuk rencana kawangun bandara punika ring dija kemanten genahnyané ring wewidangan Buléléng. Kémahon tunas titiang ring para tim saking invéstor lan pemda mangda jati-jati kekaji dumun, mangda bénjangan tan ngawinang paindikan utawi mangkrak. Riantukan pewangunan inucap jpastika nganggén prabéa sané akéh.

Kadek Berata, Kayu Putih
Wecana pacang kewangun bandara intersional ring Buléléng punika sinah pacang ngawinang rasa bangga krama Buléléng utamané lan Bali umumné. Aptiang titiang rencana punika gelis kasinahyang diastun ring dije kemanten genahnyané.

Putu Karsini, Banjar
Wiakti pisan genah punika patut mangda gelis katentuan ring dije patut. Pihak pamerintah kabupatén lan propinsi mangda maiguman mutusang pandikan lokasi bandara internasioanal inucap. (ama)

Leave A Response »