Kadek Dwika S, Ngawi Pendengar Mangda Penasaran

Redaksi Singaraja FM 10/02/2017 0

Kadek Duwika

Nyarengin siki pacontokan megending pinaka margi pengawit penyanyi saking Buleleng puniki ngebahang kampidnyanė ring dunia hiburan. Ngamolihang juara 3 apisanan pinaka juara favorit antuk kategori penampilan pinih becik ngawė Kadek Duwika S. megabung ring album Narayana Production.

Anak lanang sanė naanin ngamiletin pacontokan magending sanė kelaksanayang olih Radio Gema Merdėka sampun muputang kalih lagu ring album kompilasi pertamanyanyanė ring naungan Narayana Production. “Tiang nembangang kalih lagu. Siki lagu reriptaan padidi mamurde Sayong Wanagiri lan Memori Lovina,” baos anak lanang sanė embas 8 September puniki. Nėnten usan ngantos irika, Duwika kekaukin akrabnyanė muali ngarap album kaping kalih ring album kompilasi kantun sareng Narayana Production. Ring album inucap Duwika taler nembangang kalih lagu mamurde Tusing Sombong lan Sepi. “Album kaping tiga kantun megabung ring Narayana Production naler nembangang kalih lagu minekadinyanė Care Bagus dan Pondok Medinding Bedeg,” imbuhnyanė.

Kėmahon ring warsa 2009 anak lanang sanė embas ring Desa Padangbulia puniki naanin vakum saking jagat tarik suara, riantukan danė harus muputang studi S1 dan S2nyanė. Lulusan ėkonomi managemen ring Universitas Panji Sakti warsa 2013 puniki sayaga muali menggebrak dunia hiburan khususnyanė lagu Bali. Riusan namatang S2 ring warsa 2016, Duwika nyayagang kejutan kecil majeng penggemar lagu pop Bali antuk ngelanturang kiprahnyanė ring dunia tarik suara. “Tiang sampun nyiapang kalih lagu anyar, siki lagu duėt lan siki lagu solo,”imbuhnyanė. Danė taler ngangken yėning ring album inucap pinaka bintang tamu lan paindikan judul lagu kantos produser kantun sanget karahasiaang. “Antuk judulnyanė jantos kemanten dumun,” baos danė sanė namatang S2 ring Undiknas Dėnpasar inucap.

Antuk mromosiang lagu-lagunyanė, Kadek Duwika S. ngangken langsung makta CD audio ke radio-radio lan taler mromosiang antuk wentuk jingle-jingle. Lianan punika anak saking pasangan Gede Lingga dan Nyoman Jepun punika naler sering pisan nagingin acara-acara sekadi ulang tahun muda-mudi ngantos acara-acara sanė kelaksanayang olih Pemkab.

Yėning penyanyi lian mapikayun gelis mekarya klip vidėo antuk lagu sanė katembangang, mabinayan indiknyanė sareng Duwika S. Anak lanang sanė kadi mangkin berprofesi pinaka asaisten dosėn ring Unipas puniki nėnten kayun kakenal secara visual. “Tiang sengaja nėnten mekarya ring wentuk klip vidėo karena nėnten kayun kakenal ring mėdia,” baos Duwika. Tetujonnyanė mangda rikala danė manggung keluar daerah masyarakat sanė wantah mengenal lintang audio meduė rasa penasaran. “Yėning ipun (masyarakat) langsung kakenalang lintang televisi, ipun pacang nėnten penasaran malih. Kėmahon yėning nėnten ngawinang ipun pacang rauh rikala tiang manggung,”imbuhnyanė.

Pinaka silih sinunggil penyanyi mawit saking Bali Utara, Duwika meangen penyanyi-penyanyi lian tetep sumeken rikala makarya. Musisi saking Bulėlėng taler kapekėlingin mangda meduė ciri khas padidi. “Sampunang nulad gaya semeton lian. Anggėn napi sanė kaduėnang inggian punika saking segi bahasa lan musiknyanė,” imbaunyanė.
Kapungkur danė marencana pacang ngaryanin album solo antuk tetap ėksis ring jagat tarik suara. Paminehnyanė sanė kalintang ageng antuk ngemajuang permusikan ring Bulėlėng taler mendorong Duwika antuk ngawentuk siki peguyuban artis-artis Bulėlėng. “Samian penyanyi ring Buleleng pacang titiang rekrut lan kekaryanang wadah mangda yėning wėnten acara nėnten perlu ngerauhang artis saking luar dumun,” Duwika nguntatin . (ama)

Leave A Response »